WO MERI RAAH TAKTI HOGI

wo meri raah takti hogi

baithi hogi dekh darwaaze ki or
jaise chaatak au dekhe megh ki or
intezaar kar wo mera thakti hogi
wo meri raah takti hogi

vedna milan ki athaah hoti hai
par raat gaye bhor hoti hai
wo soch ke mere baare me hasti hogi
wo meri raah takti hogi

sochti hogi sir rakh mez par
aate honge wo kuchh der par
peeda bichhoh ki wo sehti hogi
wo meri raah takti hogi

dekhti hogi darpan me baar-baar
kiya hoga aaj khaas shringaar
dekh lu usko- wo tarasti hogi
wo meri raah takti hogi


bane honge bahu vyanjan aaj
aah!! chook se na jale ho uske hath
swaad parakhne baar-baar chakhti hogi
wo meri raah takti hogi