MAA JAB TUM HANSTI HO

MAAN JAB TUM HANSTI HO
MAANO FOOT PADA HO JHARNA
KAALAANTAR SE SOOKHE VAN ME
NADI TAALAAB BHAR GAYE HO

MAAN JAB TUM HANSTI HO
MAANO CHAL PADI HO BAYAR
SAAVAN AAYA HO RETILE MAIDAN ME
BANJAR ME KYAARIYAAN FOOT RAHI HO

MAAN JAB TUM HANSTI HO
MAANO HUI HO KADMO KI AWAAZ
JAN HO GAYE HO NIRJAN ME
SHUNYA VIZAN ME KOYAL KOOK PADI HO


MAAN JAB TUM HANSTI HO
MAANO UTRI HO RAAHI THAKAAN
WO THA AKELA LAMBE SAFAR ME
PATHIK KO MILA MITRA PATH ME HO

WO MERI RAAH TAKTI HOGI

wo meri raah takti hogi

baithi hogi dekh darwaaze ki or
jaise chaatak au dekhe megh ki or
intezaar kar wo mera thakti hogi
wo meri raah takti hogi

vedna milan ki athaah hoti hai
par raat gaye bhor hoti hai
wo soch ke mere baare me hasti hogi
wo meri raah takti hogi

sochti hogi sir rakh mez par
aate honge wo kuchh der par
peeda bichhoh ki wo sehti hogi
wo meri raah takti hogi

dekhti hogi darpan me baar-baar
kiya hoga aaj khaas shringaar
dekh lu usko- wo tarasti hogi
wo meri raah takti hogi


bane honge bahu vyanjan aaj
aah!! chook se na jale ho uske hath
swaad parakhne baar-baar chakhti hogi
wo meri raah takti hogi